Тармақ 1. Тараптар дың қаржылық барлау бөлімшелері Тараптардың әрқайсысының заңнамасына сәйкес бір-біріне ақпарат беру тәртібін бірлесіп айқындайды және қажет болған кезде осы Келісімді іске асыру мәселелері жөнінде консультациялар өткізеді.
Тармақ 2. Тараптардың қаржылық барлау бөлімшелері сұрау салу бойынша немесе бастама ретінде Тараптардың әрқайсысының қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласындағы заңнамасы туралы ақпаратпен және осы саладағы үздік практикалармен алмасуы мүмкін. Тараптардың қаржылық барлау бөлімшелері тәжірибе алмасу және өзара мүдделі мәселелерді талқылау үшін бірлескен конференциялар мен семинарлар өткізе алады.