Бап 9 О ратификации Соглашения об образовании Международного центра оценки рисков легализации (отмывания) доходов, полученных преступным путем, и финансирования терроризма

Тармақ 1. Сұрау салуға сұрау салушы Тараптың қаржылық барлау бөлімшесінің басшысы немесе оның орынбасары қол қояды. Сұрау салуда:

• 1) а) сұрау салушы және сұрау салынатын Тараптардың қаржылық барлау бөлімшелерінің атаулары;
• 2) б) істің мән-жайының қысқаша мазмұны (фабуласы);
• 3) в) сұрау салудың мақсатын және негіздемесін көрсету;
• 4) г) сұрау салынатын жәрдемнің (немесе сұрау салынатын ақпараттың) мазмұны;
• 5) д) сұрау салуды орындау мерзімі (егер сұрау салу шұғыл болса, сұрау салушы Тараптың қаржылық барлау бөлімшесі шұғыл сұрау салудың қажеттігін негіздейді);
• 6) е) сұрау салынған ақпаратты пайдалану мақсаты;
• 7) ж) сұрау салуды орындау үшін қажетті басқа да мәліметтер қамтылуға тиіс.

Тармақ 2. Қажет болған жағдайда сұрау салынатын Тараптың қаржылық барлау бөлімшесі сұрау салушы Тараптың қаржылық барлау бөлімшесінен сұрау салуды тиісінше орындау үшін қажетті қосымша ақпаратты сұрата алады.

Тармақ 3. Сұрау салынатын Тараптың қаржылық барлау бөлімшесі, егер бұл сұрау салынатын Тараптың ұлттық мүдделеріне не заңнамасына және халықаралық міндеттемелеріне қайшы келсе, сондай-ақ сұрау салу осы Келісімнің ережелеріне сәйкес келмесе, сұрау салуды орындаудан бас тартуы мүмкін.

Тармақ 4. Сұрау салынатын Тараптың қаржылық барлау бөлімшесі сұрау салуды орындауды кейінге қалдыруы не сұрау салушы Тараптың қаржылық барлау бөлімшесімен уағдаластық бойынша сұрау салуды ішінара орындауы немесе егер сұрау салуды орындау сұрау салынатын Tapaп жүзеге асыратын жедел-іздестіру іс-шараларын жүргізуге, сотқа дейінгі іс жүргізуге немесе сот талқылауына нұқсан келтіруі мүмкін болса, өзі сақталуы қажет деп таныған шарттармен орындауы мүмкін.

Тармақ 5. Егер Тараптар өзгеше ескертпесе, сұрау салулар мен олардың жауаптары орыс тілінде ұсынылады.

Тармақ 6. Егер Тараптардың қаржылық барлау бөлімшелері өзгеше ескертпесе, сұрау салу мүмкіндігінше қысқа мерзімде, бірақ оны алған күннен бастап 60 күннен кешіктірілмей орындалады.

Тармақ 7. Сұрау салушы Тараптың қаржылық барлау бөлімшесі бастама ретінде немесе сұрау салынатын Тараптың қаржылық барлау бөлімшесінің сұрау салуы бойынша сұрау салынатын Тараптың қаржылық барлау бөлімшесінен осы Келісім шеңберінде алынған мәліметтерді пайдалану нәтижесі туралы ақпаратты жібереді.