Тармақ 1. Тараптардың қаржылық барлау бөлімшелері қылмыстық жолмен алынған кірістерді заңдастырумен (жылыстатумен), терроризмді қаржыландырумен және осыған байланысты өзге де қылмыстармен байланысты деп күдік келтірілген ақшалай қаражатпен немесе өзге де мүлікпен, виртуалды активтермен операциялар (мәмілелер) туралы өз иелігіндегі ақпаратпен алмасу үшін, сондай-ақ осы операцияларды жасауға қатысатын тұлғалар мен ұйымдар туралы ақпарат алмасу үшін ҚБХО ақпараттық жүйесін пайдаланады.
Тармақ 2. ҚБХО ақпараттық жүйесі арқылы ақпарат алмасу Тараптардың қаржылық барлау бөлімшелерінің бастамасы бойынша немесе сұрау салулары негізінде, оның ішінде Тараптардың қаржылық барлау бөлімшелерімен келісу бойынша ақпарат беретін техникалық құралдарды пайдалану арқылы жазбаша нысанда жүзеге асырылады.