Бап 7 О ратификации Соглашения об образовании Международного центра оценки рисков легализации (отмывания) доходов, полученных преступным путем, и финансирования терроризма

Тармақ 1. ҚБХО ақпараттық жүйесінде (қажет болған кезде Тараптардың мүдделі органдарымен келісілгеннен кейін) орналастырылуы мүмкін деректер санаттарының тізбесі және оларды қалыптастыру әдістемесі ҚБББК шешімімен бекітіледі. Деректер санаттарының тізбесінде мыналар қамтылады:

• 1) а) ашық көздерден алынған деректер;
• 2) б) макроталдамалық есептер;
• 3) в) қауіп-қатер-сигналдар;
• 4) г) ҚБББК шешімдеріне сәйкес мәліметтер.

Тармақ 2. Осы Келісімнің мақсаттары үшін:

• 1) Тараптың қаржылық барлау бөлімшесі күдікті операциялар (мәмілелер) туралы хабарламаларды және өзге де ақпаратты талдау нәтижесі бойынша белгілі бір уақыт кезеңінде қалыптастырған және субъектілердің сәйкестендіру деректері мен қаржы және басқа да мекемелердің (ұйымдардың, тұлғалардың) атаулары көрсетілмей, қылмыстық жолмен алынған кірістерді заңдастыруға (жылыстатуға) және (немесе) терроризмді қаржыландыруға байланысты қаржы операцияларының (мәмілелерінің) көлемі мен сипаттамалары туралы біріктірілген деректер қамтылған ақпарат макроталдамалық есеп деп түсініледі;
• 2) Тараптардың қаржылық барлау бөлімшесі күдікті операциялар (мәмілелер) туралы хабарламаларды және өзге де ақпаратты талдау нәтижесі бойынша дайындаған, оған ден қою үшін Тараптардың бірлескен іс-шаралары талап етілетін, терроризмді қаржыландыруды және (немесе) қылмыстық жолмен алынған кірістерді заңдастыруды (жылыстатуды) және Тараптардың аумақтарында байланысты предикаттық қылмыстарды жүзеге асырды деп күдік келтірілгені туралы ақпарат қауіп-қатер сигналы деп түсініледі.

Тармақ 3. Қажет болған жағдайда Тараптар осы Келісімнің міндеттерін шешу мақсатында ҚБХО ақпараттық жүйесінде орналастыру үшін осы баптың 1-тармағында көзделген деректер санаттарынан тыс өзге де ақпаратты беруге құқылы.

Тармақ 4. ҚБХО ақпараттық жүйесіне орналастыру үшін ұсынылатын деректердің көлемін, деректердің құпиялылық және олардың пайдаланылуы режимін ұсынушы Тарап айқындайды.

Тармақ 5. Тараптардың қаржылық барлау бөлімшелері ҚБХО ақпараттық жүйесіне аппараттық-бағдарламалық құралдар арқылы ақпаратты беруді жүзеге асырады.

Тармақ 6. Қаржылық барлау бөлімшелерінің осы бапқа сәйкес ҚБХО ақпараттық жүйесінде орналастырылған ақпаратты одан әрі беру мүмкіндігі ұсынушы Тарап белгілеген құпиялылық режимінің сақталуы ескеріле отырып айқындалады.