Бап 3 О ратификации Соглашения об образовании Международного центра оценки рисков легализации (отмывания) доходов, полученных преступным путем, и финансирования терроризма
Тармақ 1. ҚБХО ақпараттық жүйесінің операторы (бұдан әрі - ҚБХО операторы) ҚБХО қызметін ұйымдық-техникалық және ақпараттық қамтамасыз етуді жүзеге асырады.
Тармақ 2. ҚБХО операторының функцияларын Қаржы мониторингі жөніндегі федералдық қызмет (Ресей Федерациясы) жүзеге асырады.
Тармақ 3. ҚБХО ақпараттық жүйесінің деректерін өңдейтін бағдарламалық-аппараттық кешендер Ресей Федерациясының аумағында орналасады.
Тармақ 4. ҚБХО операторы өз қызметінде қолданылатын халықаралық шарттарды және ҚБББК қабылдаған шешімдерді, сондай-ақ осы Келісімді басшылыққа алады.
1) а) ҚБХО ақпараттық жүйесіне қосылуды ұйымдастырады және Тараптардың қауіп-қатерге баға беретін ұлттық орталықтарының ҚБХО ақпараттық жүйесіне қолжетімділігін қамтамасыз етеді, сондай-ақ ҚБХО ақпараттық жүйесіне қосылу, ҚБББК бекіткен ақпаратты жүктеу және пайдалану регламенттеріне сәйкес өзге де техникалық іс-шараларды іске асырады;
2) б) ҚБХО ақпараттық жүйесін ақпараттық толықтыруға (жаңартуға) және ҚБХО қызметіне қатысты техникалық материалдарды дайындайды және Тараптардың қаржылық барлау бөлімшелеріне жібереді;
3) в) құпиялылық режимін сақтай отырып, ҚБХО ақпараттық жүйесінің материалдық-техникалық қамтамасыз етілуін бағалауды, техникалық құжаттамасын есепке алуды және сақтауды жүзеге асырады;
4) г) ҚБХО деректерінің ақпараттық ауқымының қолжетімділігін, тұтастығын және құпиялылығын, ақпараттық-коммуникациялық инфрақұрылымды және ҚБХО ақпараттық жүйесінің өңделген деректерін кез келген рұқсатсыз (заңсыз) пайдаланудан қорғауды қамтамасыз етеді, ҚБХО ақпараттық жүйесінің жұмысы процесінде туындайтын ақаулар мен іркілістерді жоюда техникалық көмекті ұйымдастырады және/немесе көрсетеді;
5) д) осы Келісімде белгіленген міндеттерді негізге ала отырып, өзге де функцияларды жүзеге асырады.
Тармақ 6. ҚБХО операторы осы Келісімде өзіне жүктелген функцияларды іске асыру мәселелері бойынша ҚБББК-ге есеп береді.