Бап 5 — О ратификации Соглашения об образовании Международного центра оценки рисков легализации (отмывания) доходов, полученных преступным путем, и финансирования терроризма

Тармақ 1. Осы Келісім мынадай негізгі міндеттерді орындау мақсатында жасалады:

1) а) Тараптар арасында деректер мен электрондық құжаттардың қорғалып алмасуын қамтамасыз ететін ақпараттық жүйені құру;
2) б) қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатерлерін тиімді анықтауды жүзеге асыру үшін Тараптарды қажетті ақпаратпен қамтамасыз ету;
3) в) біркелкі форматтарды белгілеу арқылы Тараптардың қаржылық барлау бөлімшелерінің электрондық өзара іс-қимылының бірыңғай стандарттарын енгізу;
4) г) осы Келісімнің 7-бабында көзделген деректер санаттарымен толтырылатын ортақ ақпараттық ресурстарды құру және оларға қолжетімділікті қамтамасыз ету;
5) д) қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру және оның нәтижесін ҚБХО ақпараттық жүйесінде орналастыру үшін ақпарат жинақтау;
6) е) қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру мақсатында, сондай-ақ мемлекетаралық ақпараттық өзара іс-қимыл кезінде пайдаланылатын ақпаратты қорғауды және мәліметтердің құпиялылық режимін қамтамасыз ету.