Агенттіктiң негiзгi қызметi мыналар болып табылады: 1) Қазақстан Республикасына тiкелей инвестициялар тарту жөнiндегi жұмысты ұйымдастыру; 2) Қазақстан Республикасы мемлекеттiк органдарының бекiтiлген инвесторлар жүзеге асыратын инвестициялық жобаларды iске асыру жөнiндегi қызметiн үйлестiру; 3) әрбiр инвестициялық жобаны iске асыру үшiн қажеттi құқықтар мен өкiлеттiктер беретiн барлық келiсу және рұқсат ету құжаттарын, лицензияларды, визаларды және басқа да құжаттарды алуды қамтамасыз ету; 4) бекiтiлген инвесторларға Қазақстан Республикасында бiлiктi қызметкерлердi, тауарлар мен көрсетiлетін қызметтердi iздестiруде жәрдем көрсету; 5) бекiтiлген инвесторлардың өздерiне алған мiндеттемелерiн атқаруына бақылауды қоса алғанда, инвестициялық жобалардың iске асырылуына бақылауды жүзеге асыру.