Тармақ 1. Әрбiр Уағдаласушы Мемлекет осы Конвенцияның күшiне енуiне қажеттi рәсiмдердiң аяқталғаны туралы басқасын хабардар етедi. Конвенция осы хабарлардың соңғысы алынған күннен кейiн келетiн екіншi айдың алғашқы күнi күшiне енедi. 2. Конвенция: а) 1996 жылдың 1 қаңтарынан бастап немесе содан кейiн салық салынатын сомаларға қатысты табыс көзiнен ұсталатын салықтарға; b) жағдайға байланысты, 1996 жылдың 1 қаңтарынан бастап немесе содан кейiн басталатын кез келген күнтiзбелiк жылға немесе есептi кезеңге қатысты табыс бойынша көзден алынбайтын салықтарға; с) 1996 жылдың 1 қаңтарынан бастап немесе содан кейiн орын алатын салық оқиғасына салық салуға қатысты басқа да салықтарға қолданылады. 3. Қазақстан Республикасы мен Француз Республикасы арасында күшiнде болған шартқа немесе келiсiмге енгiзiлген кез келген салық ережелерi осы Конвенцияның ережелерi күшiне енгенде күшiн жояды.