Тармақ 1. Осы Конвенция уақыты шектелмей күшiнде қала бередi. Конвенция күшiне енген күннен бастап күнтiзбелiк бес жылдық кезеңнен кейiн екi Уағдаласушы Мемлекет кез келген күнтізбелік жылдың аяқталуынан тым болмағанда алты ай бұрын дипломатиялық арналар арқылы хабарлама беру жолымен оның қолданылу күшiн тоқтата алады. 2. Мұндай жағдайда Конвенция: а) қолданылу күшiн тоқтату туралы хабар жiберiлген күнтiзбелiк жылдан кейiнгi салық салынатын сомаға қатысты табыс көзiнен ұсталатын салықтарға; б) қолданылу күшiн тоқтату туралы хабар жiберiлген күнтiзбелiк жылдан кейiн басталатын кез келген күнтiзбелiк жылға немесе есептi жағдайға байланысты табыс жөнiнде табыс көзiнен ұсталмайтын салықтарға; с) қолданылу күшiн тоқтату туралы хабар жiберiлген күнтiзбелiк жылдан кейiн орын алатын салық оқиғасына салық салуға қатысты басқа да салықтарға өзiнiң қолданылу күшiн тоқтатады. Осыны куәландыру ретінде тиiстi өкiлеттiктерi бар төменде қол қоюшылар осы Конвенцияға қол қойды.