Тармақ 1. Бiр Уағдаласушы Мемлекеттiң резидентi болып табылатын компанияның басқа Уағдаласушы Мемлекеттiң резидентiне төлейтiн дивидендтерiне осы басқа Уағдаласушы Мемлекетте салық салынуы мүмкiн. 2. Алайда, мұндай дивидендтерге дивидендтер төлейтiн компания резидентi болып отырған сол Уағдаласушы Мемлекетте осы Мемлекеттiң заңдарына сәйкес салық салынуы мүмкiн, бiрақ егер дивидендтердiң иесi басқа Уағдаласушы Мемлекеттiң резидентi болса, онда осылайша алынатын салық: а) егер дивидендтер төленетiн капиталдың кемiнде 10 процентiне тiкелей немесе жанама ие болып табылатын компания дивидендтердiң нақты иесi болса, оның жалпы сомасының 5 процентiнен; b) қалған жағдайлардың барлығында дивидендтердiң жалпы сомасының 15 процентiнен аспайды. Осы тармақ компанияның дивидендтер төленiп отырған пайдасына қатысты салық салуға ықпал етпейдi. 3. "Дивидендтер" терминi осы бапта пайдаланылған кезде акциялардан, кен өндiру өнеркәсiбiнiң акцияларын пайдаланудан немесе құқығына деген пайдаланудан, борыштық талаптар болып табылмайтын, пайдаға қатысуға, сондай-ақ резидентi төлейтiн компания болып табылатын сол Мемлекеттiң салық заңдары бойынша, акциялардан түскен табыс сияқты осындай салық тәртiбiне ұшырайтын проценттер түрiнде төленетiн табысқа деген құқық беретiн табысты бiлдiредi. 4. Егер дивидендтердiң нақтылы иесi Уағдаласушы Мемлекеттiң резидентi бола отырып, дивидендтер төлейтiн компания резидентi болып табылатын басқа Уағдаласушы Мемлекетте орналасқан тұрақты мекеме арқылы коммерциялық қызметтi жүзеге асырса немесе басқа Мемлекетте орналасқан тұрақты база және холдинг орналасқан тәуелсiз жеке қызметтер көрсетсе және төленiп жүрген дивидендтерге қатысы бар осындай тұрақты мекемеге немесе тұрақты базаға iс жүзiнде қатысты болса, 1 және 2-тармақтардың ережелерi қолданылмайды. Мұндай жағдайда, ретiне қарай 7-баптың немесе 14-баптың ережелерi қолданылады. 5. Уағдаласушы Мемлекеттiң резидентi болып отырған компания басқа Уағдаласушы Мемлекеттен пайда немесе табыс алса, егер мұндай дивидендтер осы басқа Уағдаласушы Мемлекеттiң резидентiне төленетiн акция пакеттерi нақтылы осы басқа Мемлекетте орналасқан тұрақты мекемеге немесе тұрақты базаға жатса, компания төлейтiн дивидендтердi осы басқа Мемлекет салықтан толық босатады, егер холдинг мұндай дивидендтердi осы басқа Уағдаласушы Мемлекеттiң резидентiне төлеуге қатысты немесе бөлiнбеген табыс толық немесе толық емес осы басқа Мемлекетте пайда болған табыстан басқа жағдайларда, компанияның бөлiнбеген табысына бөлiнбеген табысқа салынатын салық салығын салмау керек. 6. Осы Конвенция ережелерiнiң ешқайсысы да Уағдаласушы Мемлекетке осы Мемлекеттiң тұрақты мекемесiне жататын компанияның пайдасына осы Мемлекеттiң ұлттық тұлғасы болып отырған компанияның пайдасына есептелген салыққа қосымша салық салуға бөгет ретiнде түсiнiлмейдi, егер, осылай есептелген кез келген қосымша салық бұрынғы салық салынатын жылдары мұндай қосымша салық салынбаған мұндай табыс сомасының 5 %-iнен аспаса. Осы ереженiң мақсаттары үшiн пайда тұрақты мекеме орналасқан, сол Уағдаласушы Мемлекетте тағайындалған, осы тармақта айтылған қосымша салықтан өзгеше барлық салықтардың сомаларынан шегерiлгеннен кейiн және осы тұрақты мекемеде қайта инвестицияланғаннан кейiн кез келген соманы шегергеннен кейiн айқындалады.