Тармақ 1. Бiр Уағдаласушы Мемлекетте пайда болған және басқа Уағдаласушы Мемлекеттiң резидентiне төленетiн проценттерге осы басқа Мемлекетте салық салынуы мүмкiн. 2. Алайда, мұндай проценттерге олар есептелетiн Мемлекетте және осы Мемлекеттiң заңдарына сәйкес салық салынуы мүмкiн, бiрақ егер проценттердiң нақтылы иесi Уағдаласушы Мемлекеттiң резидентi болса, онда осылайша есептелетiн салық проценттерi 10 проценттен аспайтын болады. 3. 2-тармақтың ережелерiне тәуелсiз, проценттер, олар пайда болған сол Уағдаласушы Мемлекетте салық салудан босатылады, егер олар: а) өзге Уағдаласушы Мемлекетке, оның саяси-әкiмшiлiк бөлiмшесiне немесе жергiлiктi өкiмет органына немесе осы басқа Мемлекеттiң Орталық Банкiне төленетiн проценттер; b) мақсаты экспортты қолдау болып табылатын оның саяси-әкiмшiлiк бөлiмшесiне немесе жергiлiктi өкiмет органына, осы Мемлекет ұйымдары немесе мекемесi кепiлдiкпен немесе қамсыздандырып берiлген заемға немесе кепiлдiкпен немесе қамсыздандырып берiлген кредитке қатысты төленетiн проценттер болса. 4. "Проценттер" термині осы бапта пайдаланғанда олар ипотекамен қамтамасыз етілген немесе қамтамасыз етілмегеніне тәуелсiз борышты өндiрiп алу туралы кез келген түрдегi борыштық талаптардан алынған және борышкердiң табыстарына деген құқығына иелiк етуден тәуелсiз, iшiнара мемлекеттiк бағалы қағаздардан алынған табысты немесе облигациялардан немесе борыштық мiндеттемелерден алынған табысты, осындай бағалы қағаздар, облигациялар немесе борыштық мiндеттемелер бойынша қосымша жасалатын төлемдердi және сыйақыларды қосқанда, табысты бiлдiредi. Алайда, осы баптың мақсаттары үшiн "проценттер" терминi 10-баптың 3-тармағына сәйкес дивидендтер болып саналатын мерзiмi өткен төлемдер немесе проценттер үшiн айыппұл алымдарын қамтымайды. 5. Егер проценттердiң нақтылы иесi бiр Уағдаласушы Мемлекеттiң резидентi бола отырып, проценттер туындайтын басқа Уағдаласушы Мемлекетте сонда орналасқан соңғы тұрақты мекеме арқылы кәсiпкерлiк қызметпен айналысса немесе осы басқа Мемлекетте сонда орналасқан соңғы тұрақты базада тәуелсiз жеке қызметтер көрсетсе, ал төленетiн проценттерге қатысты борыш мiндеттемесi нақтылы осындай тұрақты мекемеге немесе тұрақты базаға және борыштық талапқа қатысты болса, жоғарыда көрсетiлген 1 және 2 тармақтардың ережелерi қолданылмайды. Мұндай жағдайда ретiне қарай 7-баптың немесе 14-баптың ережелерi қолданылады. 6. Егер төлеушi осы Мемлекеттiң өзi, саяси-әкiмшiлiк бөлiмшесi, жергiлiктi өкiмет органы немесе осы Мемлекеттiң резидентi болса, проценттер Уағдаласушы Мемлекетте туындаған болып есептеледi. Егер алайда, проценттер төлеушi тұлға Уағдаласушы Мемлекеттiң резидентi ме, жоқ па, осыған қарамастан, Уағдаласушы Мемлекетте тұрақты мекемесi немесе тұрақты базасы болса, соларға байланысты мұндай проценттердi төлеу бойынша шығындар туындаса және мұндай проценттердi осы тұрақты мекеме немесе тұрақты база төлейтiн болса, онда проценттер тұрақты мекеме немесе тұрақты база орналасқан Мемлекетте пайда болған болып есептеледi. 7. Егер проценттер төлеушi мен нақтылы иесi арасындағы немесе бiр жағынан төлеушi мен нақтылы иесi және екiншi жағынан қандай да болсын басқа тұлға арасындағы ерекше қатынастардың салдарынан проценттер сомасы борыштық талап етуге қатысты проценттер сомасына осындай қатынастар болмай тұрғанда проценттер төлеушi мен олардың нақтылы иесi арасында келiсiлуi мүмкiн сомадан асып кетсе, осы баптың ережелерi тек соңғы аталған сомаға ғана қолданылады. Мұндай жағдайда, осы Мемлекеттiң заңдарына сәйкес проценттер есептелетiн, сол Уағдаласушы Мемлекетте салық салынатын төлемнiң басы артық бөлiгi қалдырылады. 8. Егер оған қатысты проценттер төленетiн, борыштық талаптарды құруға немесе беруге қатысы бар қандай да болсын тұлғаның негiзгi мақсаты мұндай талап етудi құру немесе беру жолымен осы баптың ережелерi өзiнiң жеке мақсатына пайдаланған болса, осы баптың ережелерi қолданылады.