Тармақ 1. 14 және 15-баптардың ережелерiне тәуелсiз, бiр Уағдаласушы Мемлекеттiң резидентi мәдениет немесе өнер қызметкерi ретiнде, сондай-ақ мысалы, театр, кино әртiсi, радио немесе телевидение қайраткерi немесе музыка қайраткерi немесе спортшы ретiнде басқа Уағдаласушы Мемлекетте, осындай, өзiнiң жеке қызметтерiн жүзеге асырудан алған табысқа осы басқа Мемлекетте салық салынуы мүмкiн. 2. Егер, мәдениет немесе өнер қызметкерiнiң немесе спортшының өзiнiң осы тұрпатында жүзеге асыратын жеке қызметiне қатысты табысы мәдениет немесе өнер қызметкерiнiң немесе спортшының өзiне емес, басқа адамға есептелген жағдайда, онда осы табысқа 7, 14 және 15-баптардың ережелерiне тәуелсiз мәдениет немесе өнер қызметкерiнiң немесе спортшының қызметi жүзеге асырылған сол Уағдаласушы Мемлекетте салық салынуы мүмкiн. 3. Егер бiр Уағдаласушы Мемлекетте жүзеге асырылатын қызмет, ең бастысы, басқа Уағдаласушы Мемлекеттiң мемлекеттiк қорынан немесе оның саяси-әкiмшiлiк бөлiмшесiнен немесе жергiлiктi өзiн-өзi басқару қорынан қаржыландырылса 1 және 2-тармақтардың ережелерi қолданылмайды. Бұл жағдайда, мұндай қызметтен алынатын табысқа осы басқа Уағдаласушы Мемлекетте салық салынады.