Тармақ 1. 19-баптың 2-тармағының ережелерiн ескере отырып, қандай да бiр Уағдаласушы Мемлекеттiң резидентiне бұрынғы жұмыстарына сыйақы ретiнде төленетiн зейнетақыларға және ұқсас басқа да сыйақыларға және осындай резидентке төленетiн кез-келген аннуитетке тек осы Мемлекетте салық салынады. 2. Алайда, Уағдаласушы Мемлекеттiң әлеуметтiк қамсыздандыру туралы заңдарына сәйкес дүркiн-дүркiн немесе дүркiн-дүркiн емес төленетiн зейнетақыларға және басқа жәрдемақыларға осы басқа Уағдаласушы, Мемлекетте салық салынуы мүмкiн. Осы ереже, сондай-ақ, осы заңда көзделген жеңiлдiктердi толықтыру үшiн Уағдаласушы Мемлекетте ұйымдастырылған мемлекеттiк бағдарламаға сәйкес төленетiн зейнетақылар мен жәрдемақыларға да қолданылады. 3. "Аннуитет" терминi жеке тұлғаға өмiр бойы тағайындалған уақытта немесе сыйақы төлемдерiн ақшалай немесе ақша түрiндегi ұқсас және толық өтемақы төлеудi жүзеге асыру туралы мiндеттемеге сәйкес уақыт кезеңiнде айқындалған немесе мерзiм iшiнде дүркiн-дүркiн төлеуге жататын белгiленген соманы бiлдiредi.