Тармақ 1. Осы Конвенция, салық салу әдiсiнен тәуелсiз, Уағдаласушы Мемлекеттiң немесе оның саяси-әкiмшiлiк бөлiмшесiнiң немесе жергiлiктi өкiмет органдарының атынан алынатын табыс пен капиталға салынатын салықтарға қолданылады. 2. Табыстың жалпы сомасынан, капиталдың жалпы сомасынан алынатын барлық салық түрлерi немесе табыстың немесе капиталдың жекелеген элементтерiнен, жылжымалы немесе жылжымайтын мүлiктi шеттетуден түсетiн пайдаға салынатын салықтарды, кәсiпорындар төлейтiн жалақылар мен ырзықақылардың жалпы сомаларына салынатын салықтарды қосқанда, сондай-ақ мүлiк құнының өсiмiнен түсетiн табыстарға салынатын салықтар табыс пен капиталға салынатын салық болып саналады. 3. Конвенция қолданылатын қазiргi салықтар мыналар болып табылады, атап айтқанда: а) Қазақстан Республикасында: (i) заңды және жеке тұлғалардың табыстарына салынатын салық; (ii) заңды және жеке тұлғалардың мүлiктерiне салынатын салық; (бұдан әрi "Қазақстан салығы" деп аталатын) b) Бельгия Корольдiгiнде: (i) жеке тұлғаларға салынатын табыс салығы; (ii) корпоративтiк салық; (ііі) заңды тұлғалардың табыстарына салынатын салық; (іv) резидент еместердiң табыстарына салынатын салық; (v) дағдарыс болған жағдайларға арналған қосымша аударымдар; осы салықтарға алдын-ала жасалатын төлемдердi, қосымша алымдарды және жеке тұлғаның табыс салығына қосымша төлемдердi қоса алғанда, (бұдан әрi "Бельгия салығы" деп аталатын). 4. Конвенция сондай-ақ қолданылып жүрген салықтарға қосымша, не болмаса осы Конвенцияға қол қойылған күннен кейiн салық салынатын барлық бiрдей немесе айтарлықтай ұқсас салықтардың барлығына қолданылады. Уағдаласушы Мемлекеттердiң құзыреттi органдары олардың тиiстi салық заңдарына енгiзілген кез-келген елеулi өзгерiстер туралы бiр-бiрiн хабардар етедi.