Тармақ 1. Осы Конвенцияның мақсаты үшiн, егер контекст басқаны талап етпесе: а) терминдер: (i) "Қазақстан" Қазақстан Республикасын бiлдiредi және географиялық мағынада алғанда "Қазақстан" терминi аумақтық суларды, сондай-ақ Қазақстан белгiлi бiр мақсаттар үшiн халықаралық құқықтарға сәйкес егемендiк құқын және заңын жүзеге асыра алатын және Қазақстанның салық заңдары қолданылатын бiрыңғай экономикалық аймақ пен континентальдық шельфтi қамтиды; (ii) "Бельгия" Бельгия Корольдiгiн бiлдiредi және географиялық мағынада алғанда, халықаралық құқықтарға сәйкес егемендiк құқығын немесе өзiнiң заңдарын Бельгия Корольдiгi жүзеге асыратын аумақтық суларды және теңiз және әуе кеңiстiгiнiң кез келген учаскесiн қосқанда, Бельгия Корольдiгiнiң аумағын бiлдiредi; b) "тұлға" терминi жеке тұлғаны, компанияны және кез-келген басқа бiрлескен тұлғаларды қамтиды; с) "компания" терминi кез келген корпоративтiк бiрлестiктi немесе салық салу мақсаты үшiн корпоративтiк бiрлестiк ретiнде қарастырылатын кез келген кәсiпорынды бiлдiредi; d) "Уағдаласушы Мемлекет" және "басқа Уағдаласушы Мемлекет" терминдерi контекстке байланысты Қазақстанды немесе Бельгияны бiлдiредi; е) "бiр Уағдаласушы Мемлекет кәсiпорны" және "басқа Уағдаласушы Мемлекет кәсiпорны" терминдерi тиiсiнше бiр Уағдаласушы Мемлекеттiң резидентi басқаратын кәсiпорынды және басқа Уағдаласушы Мемлекеттiң резидентi басқаратын кәсiпорынды бiлдiредi; f) "халықаралық тасымалдар" терминi теңiз немесе әуе көлiгi тек қана басқа Уағдаласушы Мемлекеттегi пункттер аралығында пайдаланылатын жағдайлардан басқа жағдайларда, бiр Уағдаласушы Мемлекеттiң кәсiпорыны пайдаланатын теңiз немесе әуе көлiгiнiң кез-келген тасымалын бiлдiредi; g) "құзыреттi орган" терминi: (i) Қазақстанда: Қаржы министрлiгiн немесе оның өкiлеттi өкiлiн, және (ii) Бельгияда: Қаржы министрлiгiн немесе оның өкiлеттi өкiлiн бiлдiредi; h) "ұлттық тұлға" терминi: (i) Уағдаласушы Мемлекеттiң азаматтығы бар кез-келген жеке тұлғаны; (ii) Уағдаласушы Мемлекетте қолданылып жүрген заңдар негiзiнде өзiнiң мәртебесiн алған кез келген заңды тұлғаны, серiктестiктi немесе кез келген басқа қауымдастықты бiлдiредi; (i) "капитал" терминi 22-баптың мақсаттары үшiн жылжымалы немесе жылжымайтын мүлiктi бiлдiредi және қолма-қол ақша қаражаттарын, акцияларды немесе мүлiкке деген құқықтарды қуаттайтын өзге құжаттарды, вексельдердi, облигацияларды немесе өзге борыштық мiндеттемелердi қуаттайтын құжаттарды, сондай-ақ патенттердi, сауда белгiлерiн, авторлық құқықтарды немесе басқа ұқсас құқықтарды немесе мүлiктi қамтиды (бiрақ шектелiп қалмайды). 2. Осы Конвенцияны қолдану кезiнде кез келген уақытта Уағдаласушы Мемлекет Конвенцияда айқындамаған кез келген термин, егер түпнұсқадан өзгедей туындамаса, Конвенция қолданылатын салықтарға қатысты осы Мемлекеттiң заңдарына сәйкес, осындай мағынаға ие болады.