Тармақ 1. Осы Конвенцияның мақсаттары үшiн "Уағдаласушы Мемлекет резидентi" терминi осы Мемлекеттiң заңдарына сәйкес онда өзiнiң тұрғылықты мекен жайына, резиденциясына, басқару орнына, оған заңды тұлға құқығын беретiн орнына немесе ұқсас сипаттағы кез-келген өзге өлшемге байланысты салық салынатын кез-келген тұлғаны бiлдiредi, сондай-ақ бұл Мемлекеттi және оның кез-келген саяси-әкiмшiлiк бөлiмшесiн немесе жергiлiктi өкiмет органын қамтиды. Алайда, бұл термин тек осы Мемлекеттегi көздерден алынатын табысқа қатысты немесе сонда орналасқан капиталға қатысты осы Мемлекетте салық салынуға тиiстi кез келген тұлғаны қамтиды. 2. 1-тармақ күшiнiң ережелерiне сәйкес жеке тұлға Уағдаласушы Мемлекеттердiң екеуiнiң де резидентi болған жағдайда оның мәртебесi былай айқындалады: а) ол оның қарауында оған қарайтын тұрақты баспанасы бар Мемлекеттiң резидентi болып есептеледi; егер, ол оның қарауында оған қарайтын тұрақты баспанасы Мемлекеттердiң екеуiнде де бар болса, оның бiршама тығыз жеке және экономикалық байланыстары (өмiрлiк мүдделер орталығы) бар Мемлекеттiң резидентi болып есептеледi; b) егер, оның өмiрлiк мүдделерi ортақ Мемлекеттi айқындау мүмкiн болмаса немесе егер, оның оған қарайтын тұрақты баспанасы Мемлекеттердiң бiрде-бiрiнде болмаса, әдетте өзi тұрып жатқан Мемлекеттiң резидентi болып есептеледi; с) егер, оның әдетте Мемлекеттердiң екеуiнде де тұрып жатса немесе олардың бiрде-бiрiнде де тұрмаса, ол өзi азаматы болып табылатын Мемлекеттiң резидентi болып есептеледi; d) егер ол екi Мемлекеттiң де азаматы болса немесе бiреуiнiң де азаматы болмаса, Уағдаласушы Мемлекеттердiң құзырлы органдары мәселенi өзара келiсе отырып шешедi. 3. Егер, 1-тармақ ережелерiнiң себептерi бойынша жеке тұлғадан өзге тұлға Уағдаласушы Мемлекеттердiң екеуiнiң де резидентi болса, онда ол өзiнiң нақты басқару орны орналасқан Мемлекеттiң резидентi болып саналады.