Тармақ 1. Осы Конвенцияның мақсаттары үшiн "тұрақты мекеме" терминi сол арқылы кәсiпорынның кәсiпкерлiк қызметi толық немесе iшiнара жүзеге асырылатын тұрақты қызмет орнын бiлдiредi. 2. "Тұрақты мекеме" терминi iшiнара мыналарды: а) басқару орнын; b) бөлiмшенi; с) кеңсенi; d) фабриканы; е) шеберхананы; және f) шахтаны, мұнай немесе газ скважинасын, карьердi немесе табиғи ресурстар өндiрiлетiн кез келген басқа орынды қамтиды. 3. "Тұрақты мекеме" терминi сондай-ақ, мыналарды қамтиды: а) Уағдаласушы Мемлекеттегi құрылыс алаңын немесе құрылыс объектiсiн, немесе монтаждау немесе құрастыру объектiсiн, немесе бақылау бойынша олармен жүргiзiлетiн жұмыстарға байланысты жұмыстарды, егер тек мұндай алаңдардағы немесе объектiдегi немесе бақылау бойынша жүргiзiлетiн мұндай жұмыстардың ұзақтығы осы тек Уағдаласушы Мемлекетте 12 айдан астам уақыт болса; және b) Уағдаласушы Мемлекетте табиғи ресурстарды барлау үшiн пайдаланылатын қондырғыны немесе құрылысты немесе оларға байланысты бақылау бойынша жұмыстарды немесе табиғи ресурстарды барлау үшiн пайдаланылатын бұрғылау қондырғысын немесе кеменi, егер тек мұндай пайдалану Уағдаласушы Мемлекетте 12 айдан астам уақытқа созылса; және с) Уағдаласушы Мемлекет шегiнде қызмет көрсету, резиденттiң қызметшiлер немесе осы мақсаттар үшiн және осы Уағдаласушы Мемлекетте тұратын резидент жалдаған өзге қызметкерлер арқылы консультациялық қызметтер көрсетудi қоса, бiрақ мұндай сипаттағы қызметтердiң (сол жоба немесе соған байланысты жоба бойынша) ұзақтығы тек осы Уағдаласушы Мемлекет шегiнде 12 айдан астам уақытты құраған жағдайда ғана. 4. Осы Баптың мұның алдындағы ережелерiне тәуелсiз "тұрақты мекеме" терминi мыналарды: а) объектiлердi кәсiпорындарға тиесiлi тауарларды немесе бұйымдарды сақтау, көрсету немесе жiберiп тұру мақсаттары үшiн ғана пайдалануды; b) кәсiпорынға тиесiлi тауарлар немесе бұйымдар қорын тек сақтау, көрсету немесе жiберiп тұру мақсаттары үшiн ғана ұстауды; с) кәсiпорынға тиесiлi тауарлар немесе бұйымдар қорын тек басқа бiр кәсiпорынның өңдеу мақсаттары үшiн ғана ұстауды; d) тұрақты қызмет орнын кәсiпорын үшiн тауарлар немесе бұйымдар сатып алу немесе ақпарат жинау мақсаттары үшiн ғана ұстауды; е) тұрақты қызмет орнын кәсiпорын үшiн даярлық немесе көмекшi сипаттағы кез келген басқа бiр қызметтi жүзеге асыру мақсаттары үшiн ғана ұстауды; f) тұрақты қызмет орнының мұндай қоса жүргiзу нәтижесiнде пайда болатын жиынтық қызметi а) е)- тармақшаларына дейiн айтылғанындай жағдайда тұрақты қызмет орнын тек қандай да бiр қызмет түрлерiн қоса жүргiзу үшiн ғана ұстауды қамтымайтын болып есептеледi. 5. Егер, 6-тармақта айтылған тәуелсiз мәртебесi бар агенттен басқа,1 және 2-тармақтардың ережелерiне тәуелсiз басқа тұлға кәсiпорынның атынан әрекет етсе және Уағдаласушы Мемлекетте кәсiпорынның атынан шарт жасасу бойынша өкiлеттiгi болса және әдетте, оны iске асырып жүрсе, егер мұндай тұлғаны қызметi 4-тармақтың ережелерiнде айтылғанындай қызмет түрлерiмен шектелмесе және егер олар тұрақты қызмет орыны арқылы жүзеге асырылса, осы тұрақты қызмет орнын осы тармақтың ережелерiне сәйкес түрiн өзгертуге әкелiп соқпаса, онда бұл кәсiпорын осы кез келген қызмет түрлерiне қатысты тұрақты мекемесi бар деп есептеледi. 6. Кәсiпорын осы Мемлекетте делдал, жалпы агент-комиссионер немесе тәуелсiз мәртебесi бар кез келген өзге сенiмдi тұлға арқылы кәсiпкерлiк қызметпен айналысқаны үшiн ғана, мұндай адамдар өздерiнiң әдеттегi қызмет шеңберiнде әрекет еткен жағдайда, кәсiпорын Уағдаласушы Мемлекетте тұрақты мекемесi бар болып саналмайды. 7. Уағдаласушы Мемлекеттiң резидентi болып табылатын компанияның басқа Уағдаласушы Мемлекеттiң резидентi болып табылатын немесе осы басқа Мемлекетте кәсiпкерлiк қызметпен айналысатын (тұрақты мекеме арқылы немесе басқадай жолмен) компанияны бақылауы немесе соның бақылауында болуы осы компаниялардың бiрiн өз бетiнше екiншiсiнiң тұрақты мекемесiне айналдыра алмайды.