Тармақ 1. Уағдаласушы Мемлекеттiң резидентiнiң басқа Уағдаласушы Мемлекетте орналасқан жылжымайтын мүлiктен (ауыл немесе орман шаруашылықтарынан түскен табысты қосқанда) алған табысына осы басқа Мемлекетте салық салынуы мүмкiн. 2. "Жылжымайтын мүлiк" терминi қарастырылып отырған мүлiк орналасқан сол Уағдаласушы Мемлекеттiң заңдарына сәйкес қандай мағынаға ие болса, сондай мағынаға ие болады. Термин кез-келген жағдайда жылжымайтын мүлiкке қосалқы мүлiктi, ауыл шаруашылығы мен орман шаруашылығында пайдаланылатын мал мен жабдықтарды, жер меншiгiне жататын жалпы заңдардың ережелерi қолданылатын құқықтарды, жылжымайтын мүлiктiң узуфруктысын және пайдалы кен орындарын, көздердi және басқа да табиғи ресурстарды игеруге деген құқығы үшiн өтемақы ретiнде төленетiн сыйақы ретiнде немесе тұрақты төлемдерге деген құқығын қамтиды; теңiз және әуе кемелерi жылжымайтын мүлiкке есептелмейдi. 3. 1-тармақтың ережелерi жылжымайтын мүлiктi тiкелей пайдаланудан, жалға беруден немесе кез-келген өзгедей нысанда пайдаланудан алынған табыстарға қолданылады. 4. 1 және 2-тармақтардың ережелерi кәсiпорынның жылжымайтын мүлiктен алған және тәуелсiз жеке қызметтер көрсету үшiн пайдаланылатын жылжымайтын мүлiктен түскен табысқа қолданылады.