Тармақ 1. Байқоңыр қаласының аумағына кiру және шығу арнайы жабдықталған бақылау-тексеру пунктерiнде құзырлы органдар берген белгiленген арнайы рұқсаттар немесе басқа құжаттар бойынша азаматтардың жеке басының заттары тексерiлмей жүргiзiледi. Азаматтардың жеке бастарының заттарын, көлiктердi тексеру тек құзырлы органдардың арнайы шешiмi бойынша жүргiзiлуi мүмкiн.
Тармақ 2. Байқоңыр қаласының шекарасын, оның аумағын /әскери мақсаттағы объектiлер орналасқан аумақтан басқа/ және азаматтық объектiлердi, федеральдық органдардың объектiлерiн қоса күзетудi қала әкiмшiлiгi ұйымдастырады және бақылайды.
Тармақ 3. Өнеркәсiп орындарының объектiлерiн күзетудi осы кәсiпорындардың басшылары ұйымдастырады және қамтамасыз етедi.
Тармақ 4. Қала аумағында орналасқан әскери объектiлердi Ресей Қорғаныс министрлiгiнiң (Әскери - ғарыш күштерi) күшi мен қаражаты пайдаланылып күзетiледi. Әскери қызметшiлердiң тәртiп сақтауының тиiстi деңгейiн сақтау мақсатында белгiленген тәртiппен гарнизон және қарауыл қызметi ұйымдастырылатын жабық гарнизон құрылады. Байқоңыр қаласының тәртiп сақтау органдары мен әскери органдардың өзара iс-қимыл жасау тәртiбi Ресей Федерациясының заңдарымен, Қазақстан Республикасы мен Ресей Федерациясы тәртiп сақтау органдарымен өзара iс-қимыл жасауы туралы келiсiмiмен, гарнизон бастығының бұйрығымен белгiленедi.
Тармақ 5. Байқоңыр қаласының аумағында қажеттi тәртiп сақтау және тұру тәртiбiн қамтамасыз ету Ресей Федерациясының iшкi iстер басқармасына жүктеледi.
Тармақ 6. Байқоңыр қаласындағы өрт сөндiру қызметi қала әкiмшiлiгiмен ұйымдастырылады, қала бюджетi есебiнен ұсталатын арнайы штаттық құрылымдарымен жүзеге асырады. Өрттен қорғау мiндеттерiн шешуге қолда бар ведомстволық өртке қарсы күштер мен қаражат қатыстырылады.