Инспекторлар мен көлiк құралдары экипаждары мүшелерiнiң жеке мүдделерi үшiн емес, өздерiнiң функцияларын тиімді жүзеге асырулары үшiн Шартты жүзеге асыру мақсатында 1961 жылғы 18 сәуiрдегi Дипломатиялық қатынастар туралы Вена конвенциясының 29-бабына, 30-бабының 2-тармағына, 31-бабының 1, 2 және 3-тармақтарына және 34 пен 35 баптарына сәйкес дипломатиялық агенттер пайдаланатын артықшылықтар мен иммунитеттер берiледi. 2. Инспекторлар мен көлiк құралдары экипаждарының мүшелерiне, сондай-ақ 1961 жылғы 18 сәуiрдегi Дипломатиялық қатынастар туралы Вена конвенциясының 36-бабы 1-тармағының, (b) тармақшасына сәйкес дипломатиялық агенттер пайдаланатын артықшылықтар берiледi. Оларға инспекция өткiзiлетiн Қатысушы мемлекеттiң аумағына кiргiзуге немесе шығаруға сол Қатысушы мемлекеттің заңымен тыйым салынған немесе карантиндiк ережемен реттелетiн заттарды енгiзуге рұқсат етiлмейдi. 3. Егер Шартта өзге көрсетiлмесе, инспекциялық топтың көлiк құралдары қол сұғылмайтын болып табылады. 4. Инспекциялайтын Қатысушы мемлекеттің пiкiрi бойынша иммунитет әдiл қазылықты жөнелтугe кедергi жасайтын және одан Шарттың ережелерiн жүзеге асыруға залалсыз бас тартуға болатын болса, ол өзiнің инспекторлары мен көлік құралы экипажы мүшелерiнiң кез келгенiнiң иммунитетiнен, юрисдикциясынан бас тарта алады. Инспекциялайтын Қатысушы мемлекеттiң азаматтары болып табылмайтын инспекторлар мен көлiк құралы экипажы мүшелерiнiң иммунитетiнен ол инспекторлар азаматтары болып табылатын Қатысушы мемлекеттер ғана бас тарта алады. Бас тарту әркез айқын көрсетiлген болуы тиiс. 5. Осы бөлiмде көзделген артықшылықтар мен иммунитеттер инспекторлар мен көлiк құралы экипажы мүшелерiне мына жағдайларда берiледi: (А) басқа бiр Қатысушы мемлекеттің аумағында инспекция өткiзу мақсатымен кез келген Қатысушы мемлекеттің аумағы арқылы өту кезiнде; (В) олар инспекция өткiзiлетiн Қатысушы мемлекеттің аумағында болған бар кезеңде; (С) бұдан әрi - олардың бұрын инспектор немесе көлiк құралы экипажының мүшесi ретiнде өздерiнiң ресми функцияларын жүзеге асыруы кезiнде жасаған iс-әрекеттерiне қатысты. 6. Егер инспекциялайтын Қатысушы мемлекет инспектор немесе көлiк құралы экипажының мүшесi өзiнің артықшылықтары мен иммунитеттерiн жеке мүддесiне пайдаланды деп санаса, онда осы Хаттаманың VI бөлiмiнің 9-тармағында мазмұндалған ережелер қолданылады. Кез келген мүдделi Қатысушы мемлекеттiң өтiнiшi бойынша ондай жеке мүддеге пайдаланудың алдын-алу үшiн олардың арасында консультация өткiзiледi".