Карнет жазылған барлық тауарлар жалпы тізбенің 1-6 бағандарына енгізіледі. Егер екінші беттегі жалпы тізбе үшін көзделген орындар жеткіліксіз болса, онда ресми үлгіге сәйкес келетін қосымша беттер қолданылады. 2. Жалпы тізбеге барлық позицияларды енгізгеннен кейін тізбе соңында 3 және 5 бағанда бойынша қорытынды деректер сан және жазумен көрсетіледі. Егер жалпы тізбе бірнеше беттен тұратын болса, онда қосымша қолданылған беттер мұқабаның екінші жағында тізбе соңында сан және жазумен көрсетіледі. Үзбелі парақтардың тізбесі осыған ұқсас түрде ресімделеді. 3. Әрбір позицияға 1-бағанда көрсетілетін тиісті нөмір беріледі. Бірнеше жекелеген бөліктерден тұратын тауарларға (қосалқы бөлшектер мен керек-жарақтарды қоса алғанда) позицияның бір нөмірі ғана беріледі. Мұндай жағдайда, әрбір жекелеген бөлшектің түрі, құны және қажет болса салмағы 2-бағанға енгізіледі, ал 4 және 5 бағандарға тек жалпы салмағы мен құны енгізіледі. 4. Үзбелі парақтарда тізбелерді жасау кезінде жалпы тізбедегідей позиция нөмірі қолданылады. 5. Кеден бақылауын жеңілдету үшін тауарларды позициялардың тиісті нөмірлері нақты қойылуы (олардың жекелеген бөліктерін қоса алғанда) ұсынылады. 6. Бір түрдегі тауарлар осылай топтастырылған тауарлардың әрқайсысына позицияның жекелеген нөмірі берілген жағдайда топтастырылуы мүмкін. Егер топтастырылған тауарлар әртүрлі құнға немесе салмаққа ие болса, онда олардың тиісінше құны немесе егер қажет болса салмағы 2-бағанда көрсетіледі. 7. Егер тауарлар көрмеге арналған болса, онда импортерге оның өз мүддесінде әкелуге арналған үзбелі парақтың С бағанына көрме атауы мен мекен-жайын және оның ұйымдастырушысын енгізу ұсынылады. 8. Осы карнеттегі жазбалар түсінікті және өшірілмейтіндей болуы тиіс. 9. Карнет жазылған барлық тауарлар жіберу елінде/кеден аумағында қаралуы және тіркелуі тиіс және осы елдің/кеден аумағының кеден ережелерімен мұндай қарау көзделмеген жағдайларды қоспағанда осы мақсаттар үшін карнетпен бірге тиісті кеден органдарына берілуі тиіс. 10. Егер карнет елдің/кеден аумағының тілінде толтырылмаса, онда кеден билігі аударманы талап етуі мүмкін. 11. Мерзімі өткен карнеттер және ұстаушы қайта пайдалануға ниет білдірмеген карнеттер беретін бірлестікке қайтарылады. 12. Барлық құжаттарда араб сандары қолданылуы тиіс. 13. ИСО 8601 стандарттарына сәйкес күн мынадай тәртіпте көрсетілуі тиіс: жыл/ай/күні. 14. Көгілдір кеден транзиттік парақтары пайдаланылған кезде ұстаушы тауарлардың кеден транзитін ресімдейтін кеденге және кейіннен кеден транзиті үшін көзделген мерзім ішінде «жеткізу орнынының көрсетілген кеден бөлімшесіне» карнетті ұсынуы тиіс.